‘புரிதல் அவசியம்’ என்ற உன்னத கருத்தை வலியுறுத்தும் இந்தப்படம் காதலுக்கும் ஊடலுக்கும் இடையே புரிதலின் முக்கியமான பங்களிப்பை பற்றி கூறும் படமாகும்.
இயக்குனர் அனீஸ் திருமணம் எனும் நிக்கா படத்தை படத்தை பற்றி பேசும் போது ‘இந்தப்படம் நமது நாட்டின் பிரதானமான இரு மதங்களின் சம்ப்ரதாயங்களையும், கலாச்சாரத்தையும் பின்னணி ஆக வைத்து எடுக்கப்பட்ட படமாகும். நஸ்ரியாவின் நடிப்பும் சரி தோற்ற பொலிவும் சரி, அவருக்கு ஏன் இப்படி ஒரு புகழ் என்பதற்கு விடை கொடுக்கும். ஜெய் எங்கேயும் எப்போதும் எல்லோரையும் எப்போதும் கவரும் வண்ணம் நடித்து உள்ளார். இசை அமைப்பாளர் ஜிப்ரானின் இசை இந்த படத்தின் வெற்றிக்கு பெரிதளவு உதவும்.
தயாரிப்பாளர் ஆஸ்கர் ரவிசந்திரன் சாருக்கு என் மீது நம்பிக்கை வைத்து படம் தந்தமைக்கு இந்த நேரத்தில் நன்றி கூற கடமைப்படுகிறேன் . திருமணம் எனும் நிக்கா, குடும்பத்தோடு பார்த்து மகிழும், ஒரு மெல்லிய காதல் இழை ஓடும், மெய்மறக்க செய்யும் இசை கலந்த ‘ஃபீல் குட் மூவி’ என்கிறார் .